Magnus Maria

Tónlist: Karólína Eiríksdóttir
Libretto: Katarina Gäddnäs, yfirfarið af Ann-Sofie Bárány
Leikstjóri: Suzanne Osten
Dramaturg: Ann-Sofie Bárány
Danshöfundur: Soledad Howe
Leikmynd: Maria Antman
Búningar: Minna Palmqvist
Hljómsveitarstjóri: Anna-Maria Helsing

Í hlutverkum:
Hillevi Berg Niska
Andrea Björkholm
Lisa Fornhammar
Ásgerður Júníusdóttir
Maria Johansson
Therese Karlsson
Annika Sjölund
Frida Josefin Österberg

Óperan byggir á sannri sögu frá Álandseyjum og fjallar um stúlkuna Maríu sem var uppi um aldamótin 1700. Hún fluttist til Stokkhólms og vann fyrir sér sem húshjálp og söng og spilaði á krám. Hún tók til þess bragðs að klæðast karlmannsfötum, bæði til að fá betur borgað, en einnig átti vel við hana að vera í hlutverki karlmanns. Það komst upp um hana og var hún ákærð og færð fyrir dómara. Prestur krafðist dauðarefsingar, en dómari tók léttar á broti hennar og dæmdi hana í tveggja vikna fangelsi upp á vatn og brauð. Þessi saga er hæfandi í dag, en hún fjallar ekki einungis um konu sem klæðist karlmannsfötum, heldur einnig um það að Magnus eignaðist kærustur og svaraði þegar dómarinn spurði hana hvort hún væri karl eða kona "ég er bæði karl og kona, en þó frekar karl". Sagan fjallar þó einnig um rétt manneskjunnar til að vera hún sjálf, en tónlistin var Magnus Mariu mikils virði og ekki þótti á þessum tíma við hæfi að konur syngju og spiluðu opinberlega, hvað þá á krám. Ástæðan fyrir því að svo mikið er vitað um ævi þessarar alþýðustúlku er að dómsskjölin eru til og þar með vitnaleiðslur.

Frumsýning 15. júlí 2014 í Alandica, Mariehamn, Álandseyjum.

Nánari upplýsingar: http://www.magnusmaria.ax