Tvö smálög fyrir kór

Fyrir blandaðan kór
1983

Tvö smálög fyrir kór voru samin fyrir Háskólakórinn og stjórnanda hans Hjálmar H. Ragnarsson í janúar 1983. Kórinn frumflutti lögin stuttu síðar í Reykjavík og söng þau á tónleikaferð sinni um Sovétríkin í mars sama ár. Lögin eru byggð á einföldum stefjabrotum og örfáum hljómum, og er óhætt að segja að fyllstu sparneytni sé gætt í notkun þessa efniviðar. Enginn texti fylgir lögunum og eru þau sungin á völdum sérhljóðum.

Frumflutningur: Febrúar 1983; Háskólakórinn, stj. Hjálmar H. Ragnarsson