Toccata

1999
3,3,3,3, - 4,3,3,1, - 2 slv., - strengir
ca. 9'

Toccata var samin að beiðni Orkester Norden með styrk frá NOMUS. Verkið er í einum þætti, sem skiptist þó í samtengdan forleik og aðalkafla. Eiginlega er hér um að ræða eins konar konsert fyrir hljómsveit, því að allir hljóðfærahópar hljómsveitarinnar koma einhvern tímann sérstaklega fram í sviðsljósið.
Orkester Norden frumflutti verkið undir stjórn Toumas Ollila í Rättvik í Svíþjóð sumarið 1999 og í framhaldi af því á tónleikaferðalagi m. a. í Stokkhólmi, Helsinki og Riga. Hljómsveitin flutti verkið undir stjórn Okko Kamu í tilefni opnunar norrænu sendiráðanna í Philharmonie salnum í Berlín haustið 1999.

Frumflutningur: 10. júlí 1999; Sporthallen, Rättvik í Svíþjóð; Orkester Norden, stj. Tuomas Ollila