Flautuspil - Flauta

1998
ca. 8'

Flautuspil (1998) er í einum samfelldum kafla þar sem skiptast á tvær ólíkar hugmyndir. Fyrst eru hvikul skalabrot og endurteknar nótur sem snúast í kringum ákveðnar tónmiðjur er færast til eftir því sem líður á. Hins vegar hægari línur sem kallast á eins og í ljóðrænum söng. Formið minnir á sónötuformið þar sem framvindan er hröðust í úrvinnslunni um miðbikið. Ítrekunin í lokin brýtur á hefðinni. Í stað skalabrotanna úr byrjun verksins hljóma ljóðrænu línurnar, en nú fléttaðar með enn fjölbreyttari hætti en áður. Karólína samdi Flautuspil fyrir Martial Nardeau, sem frumflutti það á tónleikum í Listasafni Íslands þann 19. apríl 1998, en á þeim tónleikum heyrðust öll þau verk sem eru á þessum hljómdiski.

Hjálmar H. Ragnarsson
(úr bæklingi með geisladisknum Spil)

Frumflutningur: 19. apríl 1998 í Listasafni Íslands, Martial Nardeau, flauta

Útgefið:
smk 13 Karólína Eiríksdóttir - Spil: Martial Nardeau, flauta